Nominasjonsmøte 2026

Nominasjonsmøte haldast på Vestlandshuset i Bergen, laurdag 7. november klokka 10:30-17:00. Inngang frå Vestre Strømkaien 13 (inngang D).

Nominasjonsnemnda leverte sitt endelege listeframlegg 8. oktober. Det er dette som skal handsamast på nominasjonsmøtet.

Frist for å sende endringsframlegg til fylkestingslista er måndag 2. november klokka 23:59. Det er berre lokallag, fylkesstyret og Vestland SU som kan melde endringsframlegg. Endringsframlegg sendast til vestland@sv.no.

Sjå det endelege listeframlegget her:

Endeleg framlegg til fylkestingsliste – Vestland SV Last ned

Sakspapir

Sakspapir lastast opp her 21. oktober.

Om nominasjonsmøtet

Delegatane til nominasjonsmøtet fastsetjast etter § 5.4 og § 3.2 i fylkeslaget sine vedtekter. Lokallaga, fylkesstyret og Vestland SU har rett til å stille med delegatar til nominasjonsmøtet. Delegatar meldast på gjennom eit skjema som sendast til desse organisasjonsledda.

Lokallag har høve til å sende observatørar til nominasjonsmøtet, slik at dei får dekka overnatting, reise og mat. Ta kontakt med ditt lokallag viss du er interessert i dette.

Alle er elles velkomen til å sjå nominasjonsmøtet, og kan sitte på publikumsplassar bak i salen. Vi ordnar kun mat for dei som er delegatar, observatørar, eller som har praktiske rollar.

Program

10:30 – Registrering – Oppmøte, registrering, tekniske førebuingar. Kaffi og noko å bite i.

11:30 – Opning – Velkomen til nominasjonsmøtet, ved fylkesleiar Jarle Brattespe.

11:35 – Sak 1: Konstituering – Innkalling, saksliste, forretningsorden og val av roller

12:00 – Formøte – Kvinneformøte, manneformøte og alternativt formøte

12:30 – Sak 2: Nominasjon – Presentasjon av framlegget til valliste

12:45 – Sak 2: Nominasjon – Presentasjon av kandidatar til topp fem

13:15 – Lunsjpause

14:00 – Sak 2: Nominasjon – Ope ordskifte

15:30 – Sak 2: Nominasjon – Votering

16:00 – Valkampen 2027 – Valkampstrategi, progamarbeid, nominasjon og praktisk valkamp

17:00 – Avslutning

Valkampfestivalen 8. november

Vestland SV arrangerer valkampfestival dagen etter nominasjonsmøtet.

Arrangementet er gratis, ope for alle – og du får mat!

Partileiar Kirsti Bergstø kjem!

Det blir også innleiingar ved Linn Herning i For Velferdsstaten og Ingrid Opedal i SV sitt nasjonale miljøpolitiske utval, eit breitt utval av workshops, og den største dørbankaksjonen i SV si historie!

Les meir her, og meld deg på!

Les meir om nominasjonsprosessen

I 2027 er det fylkestingsval. SV stiller til val for å få ned skilnadene, kutte klimagassutslepp, og verne mest mogleg natur. Men for å stille til val, må vi stille valliste. Difor har vi ein nominasjonsprosess gjennom 2026.

Målet med nominasjonsprosessen er å syte for at SV stiller til val med gode kandidatar, som er klare til å gjere ein god jobb fram mot valet – og klare for å ta sete i fylkestinget. Ein viktig del av dette arbeidet er å finne kandidatar med ulik bakgrunn og erfaringar.

Særleg viktig er det å få med grupper som er underrepresentert i politikken elles, og som har interesse av SV-politikk.

Prosessen og listeframlegg

På Vestland SV sitt fylkesårsmøte 7. og 8. februar 2026 vart det vald ei nominasjonsnemnd, eit mandat for nemnda, og ein prosess for nominasjonsarbeidet. Nominasjonsnemnda skal lage framlegg til valliste med kandidatar, med utgangspunkt i innspel og framlegg til kandidatar frå partiorganisasjonen.

Fyrste innspelsrunde frå lokallag, andre partiorgan og medlemmer i Vestland SV er sundag 3. mai, klokka 23:59.

E-post med informasjon om korleis ein sender innspel er sendt til medlemmer, lokallag, bydelslag, studentlaget og SU 12. mars 2026.

Vedteke mandat og prosess – Nominasjon til fylkestingsvalet 2026 Last ned

Fyrste framlegg til valliste

Nominasjonsnemnda jobber deretter vidare med eit fyrste utkast til fylkestingsliste tysdag 1. september 2026. Denne skal deretter vere på høyring i 20 dagar i partiorganisasjonen, med frist for å levere innspel måndag 21. september klokka 23:59.

Endeleg framlegg til valliste

Nominasjonsnemnda skal på bakgrunn av dei innkomne innspela lage eit endeleg framlegg til fylkestingslista. Denne publiserast torsdag 8. oktober, altså 30 dagar før nominasjonsmøtet.

Nominasjonsmøte

Nominasjonsmøtet skal haldast laurdag 7. november 2026. Lokallag, fylkesstyret og Vestland SU sender utsendingar til møtet, etter same regler som ved fylkesårsmøtet.

Nominasjonsmøtet vedtek eigen forretningsorden. Utsendingar som vil sende inn endringsframlegg til fylkestingslista må gjere dette seinast 5 dagar før møtet. Altså innan måndag 2. november.

Nominasjonsnemnda

Steinar Nørstebø, Bergen (leiar)

Nils Magne Blålid, Stord

Lina Kristine T. Vatshelle, Bjørnafjorden

Vibeke Johnsen, Sogndal

Charlie Meurer-Lunde, Bergen (SU)

Kontaktinformasjon

Leiar: Steinar Nørstebø, e-post: sno@hk.no, tlf.: 95211513

Sekretær frå fylkeskontoret: Aslak Owren, aslak.owren@sv.no

Vedtekter

Her følgjer dei punkta i Vestland SV sine vedtekter som regulerer nominasjon til fylkestinget.

§ 5 Nominasjon til fylkestinget

Til å stå for nominasjonen har fylkeslaget ei nominasjonsnemnd og eit nominasjonsmøte.

§ 5.1 Val av nominasjonsnemnd

Fylkesstyret legg fram tilråding på medlemmer i nominasjonsnemnd for fylkesårsmøtet året før valåret. Fylkesårsmøte vel nominasjonsnemnda.

§ 5.2 Ansvar og oppgåver

Før nominasjonsnemnda utarbeider sitt fyrste framlegg til valliste skal lokallaga og medlemmer ha høve til å kome med framlegg og innspel til nemnda. Nemnda sitt førsteutkast skal sendast på høyring til lokallaga med rimeleg tilbakemeldingsfrist, før nemnda kunngjer sitt siste framlegg til valliste.

Nominasjonsnemnda sitt endelege listeframlegg skal vere lokallaga i hende seinast 14 dagar før møtet. Elles gjeld dei reglane for nominasjon og listeinnlevering som er gjevne i vallova eller i forskrifter til vallova.

§ 5.3 Innkalling til nominasjonsmøte

Fylkesstyret kallar inn til nominasjonsmøte. Kunngjering må sendast lokallaga seinast 30 dagar før møtet. Nominasjonsmøte skal seinast haldast som eige særmøte på fylkesårsmøtet i valår.

§ 5.4 Samansetjing av nominasjonsmøtet

Nominasjonsmøtet vert sett saman etter same fordelinga som for fylkesårsmøtet.