Våre kandidater 2023

1. kandidat Marthe Hammer (43), Bergen

Marthe er gruppeleiar for SV, feminist, kvardagssyklist og firebarnsmor, og har permisjon frå jobben med helseinnovasjon. Ho er ei av dei mest erfarne samferdslepolitikarane i fylket, alltid klar for å ta opp kampen for buss og bane, og mot motorvegar og monsterbruer. Ho er sosialist og samfunnsøkonom og meiner rettferdig fordeling gir betre samfunn for alle.

2. kandidat Åsmund Berthelsen (70), Sunnfjord

Åsmund er pensjonist og har arbeidd som journalist og lærar. Han vil ha ein sterk offentleg vidaregåande skule og seier nei til fleire private skular i Vestland. Han er sterkt engasjert i frivilleg arbeid og for å sikra naturmangfaldet. Han står på for ein rein og rik Førdefjord, og kjempar mot vindkraftutbygging.

3. kandidat Marianne Sæhle (57), Bergen

Marianne er spesialsjukepleiar og føretakstillitsvald i Helse Bergen. Ho er oppteken av at me skal ha gode utdanningar og eit attraktivt arbeids- og næringsliv. Marianne er klar til å kjempa for profittfri tannhelse til alle! Ho er oppteken av internasjonal solidaritet og ein rettferdig flyktningpolitikk – verda er meir enn Vestland.

4. kandidat Alexander Papas (22), Bergen/Stord

Alexander er lærarstudent og aktiv i studentpolitikken. Han brenn for inkluderande fellesskap, og særleg at skeive, flyktningar, menneske med minoritetsbakgrunn og personar med nedsett funksjonsevne skal ha reelle høve til å delta og leva gode liv i heile fylket. Han vil at unge skal bli høyrde og at det skal vera attraktivt for unge menneske å bu i Vestland

5. kandidat Hege Lothe (51), Gloppen

Hege arbeider som rådgjevar i Norges Mållag, og er leiar i Vestland SV. Ho bur på Sandane, er mor til to, og har lang erfaring som kommunestyrerepresentant for SV. Ho er oppteken av distriktspolitikk, nynorsken og ein god kulturpolitikk for heile fylket. Hege vil at Vestland skal ha eit levande og mangfaldig kulturliv og mange aktive frivillige organisasjonar.